اي هي مسابقة ICPC ؟

مسابقة ICPC العالمية

اولاً المسابقة تتكون من 4 مراحل تصفيات وهم:

الـ Local Contest ودي بتكون على مستوى كليتك/الجامعة.

الـ ECPC ودي بتكون ع مستوي جامعات مصر كلها.

الـ ACPC ودي بتكون المنافسة فيها على مستوى الوطن العربي وأفريقيا.

آخر مرحلة هي الـ ICPC World Finals ودي بتكون على مستوى العالم والي قدرنا نحققها في سنة 2019 بالبرتغال.

من السنة اللي فاتت قررت إدارة المسابقة المصرية ECPC استبدال المسابقات المحلية على مستوى جميع الجامعات المصرية؛ بالمسابقة المؤهلة Qualification Contest تحت رعايتهم مع مراعاة كافة الإجراءات الاحترازية من التباعد وخلافه حرصًا على صحة الجميع.

الـ Qualification Contest دي بيضم فيها عدد من الجامعات في مكان واحد وبيتعمل مسابقة تصفية واحدة بتحدد مين هيا الفرق المتأهلة من كل جامعة، وبتكون المنافسة بين أفراد الجامعة الواحدة زي المسابقة الـ Local بالظبط، ويتحدد المتأهلون من كل جامعة بناء على نسبة معينة.

لو أنت خايف إنك مش تتأهل تأكد إن مشاركتك في المسابقة السنة دي هتكون أكبر حافز ليك عشان تتأهل السنة الجاية بالاضافة ان كل ما زاد عدد الفرق المشاركة كل ما زادت عدد الفرق المتأهلة.

قواعد المسابقة:

- مدة المسابقة 5 ساعات.

- عدد المسائل في المسابقة لا يتعدى 13 مسألة متفاوتة في المستوى.

- كل فريق متاح له إستخدام جهاز كمبيوتر واحد فقط يوفره منظمو المسابقة.

- مسموح بإدخال أي أوراق أو مراجع كتب (Hard-Copy) في ساحة المسابقة .

- يمنع إدخال أي أجهزة تتصل بالإنترنت أو أي أجهزة إلكترونية (مثال: الآلة الحاسبة) في ساحة المسابقة.

- اللغات المسموح بها في المسابقة هي Java, C, C++ and Python.